விண்டோஸ் 11-ல் வரவிருக்கும் மிகவும் பயன் தரும் அம்சம்: மைக்ரோசாஃப்ட் அறிவிப்பு
இந்த அம்சத்திற்கு மைக்ரோசாஃப்ட் பீக் என பெயரிட்டுள்ளது. மேக் ஓஎஸ்ஸில் உள்ள குயிக் லுக் போலவே இந்த அம்சம் செயல்படும் என கூறப்படுகிறது.
மைக்ரோசாஃப்ட் நிறுவனம் மேக் ஓஎஸ்ஸில் இருப்பது போன்ற பிரிவீவ் அம்சத்தை விண்டோஸ் 11-ல் கொண்டு வரவுள்ளது.
இதன்படி ஒரு ஃபைலை ஓபன் செய்து பார்க்காமலேயே நாம் அதன் பிரிவீவ்வை பார்க்க முடியும். இந்த அம்சத்திற்கு பீக் என பெயரிடப்பட்டுள்ளது.
இதன்படி நாம் எந்த ஃபைலை பார்க்க விரும்பினாலும் Shift+Spacebar ஆகியவற்றை அழுத்தினால் போதும். அதன் பிரிவீவ் காட்டப்படும். இதில் சாதாரண ஃபைல்களை போல மீடியா ஃபைல்களையும் பிளே செய்யலாம் என கூறப்படுகிறது.
மேக் ஓஎஸ்ஸில் உள்ள குயிக் லுக் அம்சத்தில் நாம் பிரீவிவ் செய்யும் ஃபைல்களை எடிட் செய்யவும் முடியும். ஜூம் செய்யவும் முடியும். இந்த அம்சங்கள் மைக்ரோசாஃப்ட் பிரீவ்வில் இப்போதைக்கு இடம்பெறாது என கூறப்படுகிறது.
இந்த அம்சம் எப்போது வெளியாகும் என்ற தகவல் இன்னும் வெளியாகவில்லை.
