உலகளவில் அதிகம் டவுன்லோட் செய்யப்பட்ட செயலி

2021 மார்ச் மாதத்தில் உலகளவில் பேஸ்புக் செயலியை அதிகம் டவுன்லோட் செய்த நாடுகள் பட்டியலில் இந்தியா இடம்பிடித்து இருக்கிறது.

உலகளவில் கேமிங் அல்லாத செயலிகள் பிரிவில் அதிக டவுன்லோட்களை டிக்டாக் பெற்று இருக்கிறது. மார்ச் மாதத்தில் மட்டும் 5.8 கோடி டவுன்லோட்களை பெற்றுள்ளது. டிக்டாக்கை தொடர்ந்து பேஸ்புக் அதிக டவுன்லோட்களை பெற்று இருக்கிறது. பேஸ்புக் செயலியை 5.6 கோடி பேர் டவுன்லோட் செய்துள்ளனர்.

 

 

 டிக்டாக்

 

கேமிங் அல்லாத செயலிகள் பிரிவில் அதிக டவுன்லோட்களை பெற்ற டாப் 5 செயலிகளில் இன்ஸ்டாகிராம், வாட்ஸ்அப் மற்றும் மெசஞ்சர் உள்ளிட்டவை இடம்பெற்று இருக்கிறது. பேஸ்புக் செயலியை அதிகம் டவுன்லோட் செய்த நாடுகள் பட்டியலில் 25 சதவீதம் இந்தியாவில் இருந்தும், அமெரிக்காவில் இருந்து 8 சதவீதம் ஆகும்.

 

டாப் 10 செயலிகள் பட்டியலில் ஸ்னாப்சாட், ஜோஷ், ஜூம், டெலிகிராம் மற்றும் கேப்கட் உள்ளிட்டவையும் இடம்பெற்று இருக்கிறது. கூகுள் பிளே ஸ்டோரில் அதிகம் டவுன்லோட் செய்யப்பட்ட செயலிகள் பட்டியலில் பேஸ்புக் முதலிடம் பிடித்து உள்ளது.