இங்கிலாந்திலிருந்து இந்தியா வந்த பயணிகளுக்கு கட்டாய கொரோனா பரிசோதனை நடத்தப்பட்டதில், 100க்கும் மேற்பட்டவர்கள் புதிய கொரோனா வைரஸால் பாதிக்கப்பட்டுள்ளது தெரியவந்துள்ளது.

இதையடுத்து அனைவரும் அந்தந்த மாநிலங்களிலுள்ள வைத்தியசாலைகளில் ஒரே அறையில் தனிமைப்படுத்தப்பட்டு கண்காணிக்கப்பட்டு வருகின்றனர். அத்துடன் அவர்களுடன் ஒரே விமானத்தில் வந்தவர்கள் மற்றும் உறவினர்களுக்கு தொடர் பரிசோதனை நடத்தப்பட்டு வருகிறது.

இந்நிலையில் உலகின் 60 நாடுகளில் உருமாறிய கொரோனா தொற்று கண்டறியப்பட்டுள்ளதாக உலக சுகாதார நிறுவனம் தெரிவித்துள்ளது.

இது குறித்து உலக சுகாதார நிறுவனம் கூறுகையில்,

“பிரிட்டனில் முதலில் கண்டறியப்பட்ட உருமாறிய கொரோனா வைரஸ் பரவல் தற்போது 60 நாடுகளில் கண்டறியப்பட்டுள்ளது.

இந்த வைரஸ் மிக வேகமாகப் பரவும் ஆபத்து கொண்டதால் தொற்று எண்ணிக்கை அதிகரிக்கலாமென்றும் சமூக இடைவெளியை உலக நாடுகள் தீவிரமாகப் பின்பற்ற வேண்டும்” என்றும் உலக சுகாதார நிறுவனம் அறிவுறுத்தியுள்ளது