அண்மையில் கிழக்கு கடற்கரையில் தீப்பிடித்த நியூ டயமண்ட் கப்பலால் அவ்விடத்திலுள்ள ஆமைகளின் அசாதாரண நடத்தை விஞ்ஞானிகளால் அவதானிக்கப்பட்டுள்ளது.

இந்த ஆமைகளை அசாதாரணமாக அவதானித்ததாக தேசிய நீர்வள ஆராய்ச்சி மற்றும் மேம்பாட்டு நிறுவனத்தின் முதன்மை விஞ்ஞானி டாக்டர் பிரபாத் ஜெயசிங்க தெரிவித்தார்.

இது தொடர்பில் ஆங்கில பத்திரிகை ஒன்றுக்கு விளக்கமளித்து்ள அவர்,

ஆமைகளின் இந்த நடத்தை மாற்றம் குறித்து சம்பந்தப்பட்ட அதிகாரிகளுக்கு தெரிவித்ததாக கூறினார்.

எம்டி நியூ டயமண் கப்பல் இருந்த இடத்தில் 2 மீட்டர் எண்ணெய் இணைப்பு காணப்பட்ட பகுதியில் இந்த ஆமைகள் காணப்படவில்லை என்றாலும், இந்த வகை ஆமைகளின் நடத்தைக்கு எண்ணெயின் தாக்கம் ஏதேனும் ஏற்பட்டதா என்பது குறித்து இன்னும் கண்டறியப்படவில்லை என்றார்.

"எங்கள் வழக்கமான ஆய்வு பயணங்களில் ஆமைகளை கவனிப்பது அரிது. இருப்பினும், மிக சமீபத்திய ஆய்வு பயணத்தில் ஆமைகள் கீழ்நோக்கி நீந்துவதற்கு மிகவும் கடினப்படுகின்றன.

இவ்வாறான பல ஆமைகளை நாங்கள் கவனித்தோம் என்று மேலும் கூறினார்.

இதேபோன்ற நடத்தை மாற்றங்களுடன் வேறு எந்த கடல் உயிரினங்களும் காணப்படுகின்றனவா என்று கேட்டபோது, ​​

திமிங்கலங்கள், டால்பின்கள் போன்ற பிற உயிரினங்கள் காணப்பட்டன, ஆனால் அவை ஆமைகளைப் போல அசாதாரணமாக நடந்து கொள்ளவில்லை என்றார்.

கடல்சார் இனங்கள் குறிப்பாக திமிங்கலங்கள், டால்பின்கள் மற்றும் ஆமைகள் அம்பாறைக்கு வெளியே உள்ள கடல்களில் ஏராளமாகக் காணப்படுகின்றதாக குறிப்பிட்டார்.