அமெரிக்க பகிரங்க டென்னிஸ் தொடருக்கான பரிசுத் தொகை குறைப்பு!
ஆண்டின் இறுதி கிராண்ட்ஸ்லாம் அந்தஸ்து பெற்ற அமெரிக்க பகிரங்க டென்னிஸ் தொடருக்கான பரிசுத் தொகை, குறைக்கப்பட்டுள்ளது.
கொரோனா வைரஸ் (கொவிட்-19) தொற்று தாக்கத்தால் இந்த வருடப் பரிசுத்தொகை 53.4 மில்லியன் டொலராகக் குறைக்கப்பட்டுள்ளது.
அதேசமயம் 7.6 மில்லியன் டொலர் தொகை கொவிட்-19 தொற்றால் பாதிக்கப்பட்டுள்ள டென்னிஸ் வீரர்களுக்கு நிவாரணத் தொகையாக வழங்கப்படும் என அறிவிக்கப்பட்டுள்ளது.
அமெரிக்க பகிரங்க டென்னிஸ் தொடரில் சம்பியன் பட்டத்தை வெல்லும் வீரர், வீராங்கனைகளுக்கு 3 மில்லியன் டொலர் கிடைக்கும். இது கடந்த வருடத்தை விடவும் 850,000 டொலர் குறைவாகும். எனினும் முதல் சுற்றுக்கான பரிசுத்தொகை கடந்த வருடத்தை விடவும் 5 சதவீதம் அதிகரித்துள்ளது.
அமெரிக்க பகிரங்க டென்னிஸ் தொடர், எதிர்வரும் 31ஆம் திகதி முதல் செப்டம்பர் 13ஆம் திகதி வரை நடைபெறவுள்ளது. இப்போட்டியைக் காண இரசிகர்களுக்கு அனுமதி கிடையாது.
லைப்ஸ்டைல் செய்திகள்
இனிமேல் மணக்க மணக்க தேங்காய் பால் சாதம் இப்படி செய்ங்க
18 April 2024
