யாழ்ப்பாணத்தில் தவறான முடிவால் உயிரிழந்த கிளிநொச்சி நீர்பாசன திணைகள ஊழியரின் மரணத்தின் பின்னால் அவரது உயரதிகளின் செயலே உள்ளதாக பகீர் தகவல் வெளியாகியுள்ளது.

உயிரிழந்தவர் அரசாங்கத்தில் மாதம் 40 ஆயிரம் சம்பளத்தைப் பெறும் சாதாரண ஒரு ஊழியர் ஆவார் . உயிரிழந்தவரின் மனைவிக்கு ஒரே பிரசவத்தில் 3 பெண் பிள்ளைகள் பிறந்திருந்தன.

குழந்தைகளை மிகச் சிரமப்பட்டே வளர்த்து வந்தார். யாழ் பண்ணைப் பகுதியில் உள்ள நீர்ப்பாசனத திணைக்களத்தில் கூலித்தொழிலாளியாக வேலை செய்து வந்த நபரை கிளிநொச்சி நீர்ப்பாசனத் திணைக்களத்திற்கு மாற்றியுள்ளார்கள் மனச்சாட்சி இல்லாத உயரதிகாரிகள். யாழ்ப்பாணத்திலிருந்த கிளிநொச்சி சென்று வருவதற்கு பஸ் செலவே நாள் ஒன்றிற்கு ஆயிரம் ரூபா.

இதனால் அதிர்ச்சியடைந்த அவர் உயரதிகாரிகள் பலரிடம் தனது குடும்பச் சூழ்நிலையை கூறி கிளிநொச்சி இடமாற்றத்தை இரத்துச் செய்ய மன்றாடினார். ஆனாலும் அவரது மன்றாட்டம் உயரதிகாரிகளிடம் எடுபடவில்லை.

இந் நிலையில் ஏதும் செய்ய முடியாத நிலையில் கிளிநொச்சிக்கு ஒவ்வொரு நாளும் சென்று வந்துள்ளார். இந்நிலையில் கிளிநொச்சிக்கும் தினமும் சென்று வந்த போதும் தனது பிள்ளைகளின் சுகவீனம் மற்றும் அவர்களின் பாடசாலை கற்றல் நடவடிக்கை போன்ற செயற்பாடுகளுக்காக பல தடவைகள் லீவு எடுத்ததாகத் தெரியவருகின்றது.

குறித்த லீவுகளுக்கு முறைப்படி முன்னரே உயரதிகாரிகளின் அனுமதி பெறப்படவில்லை என காரணம் காட்டி அவரது சம்பளத்திலிருந்து 10 ஆயிரம் ரூபாவை வெட்டியெடுத்துள்ளார் கிளிநொச்சி நீர்ப்பாசணப் பொறியியலாளர்.

இதற்கு குறித்த நீர்ப்பாசண திணைக்கள உயரதிகாரியும் ஒப்புதல் வழங்கியதாக தெரியவருகின்றது. இதனால் அதிர்ச்சியடைந்து கடும் விரக்தியுடன் வீடு திரும்பிய ஊழியர் தனது 3 பெண் குழந்தைகள், மனைவியை அநாதையாக விட்டுவிட்டு உயிரை மாய்த்தார்.

அவரது மரணவீட்டுக்கு நீர்ப்பாசணத் திணைக்கள உயரதிகாரிகள், ஊழியர்கள் வந்து கலந்து கொண்டிருந்தார்கள். தனது கணவருக்கு ஆஸ்மா என்ற நோய் உள்ளது மட்டும் மனைவிக்கு வெளிப்படையாகத் தெரிந்திருந்தது.

இந்நிலையில் ஆஸ்மாவின் கொடுமையால் நீர்ப்பாசன தற்கொலை செய்ததாக கூறி அவரது மரணத்திற்கு முற்றுப்புள்ளி வைத்துள்ளதாக விசனம் வெளியிடப்பட்டுள்ளது.

பல காலமாக ஆஸ்மா நோய் இருந்தவர் சம்பளம் கழித்தபின் தற்கொலை செய்தார் என்றால் அதற்கு என்ன காரணம் எனவும் சமூக ஆர்வலர்களால் கேள்வி எழுப்பட்டுள்ளது.

அரச உயரதிகாரிகளில் சிலர் அரசாங்கத்தால் தமக்கு வழக்கப்படும் அனைத்துச் சலுகைகளையும் பெறுவதோடு, ஊழல், நிர்வாகத்துஷ்பிரயோகங்களையும் செய்து கொண்டு அப்பாவி ஊழியர்களை பழிவாங்குவது நியாயமானதா? என்றும் சுட்டிக்காட்டப்பட்டுள்ளது.   

 தந்தையை இழந்து தவிக்கும் அப்பாவி குழந்தைகளின் எதிர்காலத்திற்கு யாழ் பொறுப்பு எனவும், சமூக ஆர்வலர்கள் கவலை வெளியிட்டுள்ளனர்.