ஐடெல் நிறுவனம் தனது முதல் ட்ரூ வயர்லெஸ் ஸ்டீரியோ இயர்போன் மாடலினை இந்திய சந்தையில் அறிமுகம் செய்து உள்ளது. புதிய இயர்போன்களில் பெரிய சவுண்ட் டிரைவர்கள் வழங்கப்பட்டு இருக்கின்றன. இரண்டு இயர்பட்களிலும் சென்சார்கள் வழங்கப்பட்டு இருப்பதால் தலைசிறந்த ஆடியோ அனுபவம் கிடைக்கும்.

ஐடெல் ஐடிடபிள்யூ 60 இயர்போன்களில் யுஎஸ்பி டைப் சி சார்ஜிங் வசதி மற்றும் ப்ளூடூத் 5வசதி வழங்கப்பட்டு உள்ளன. இவற்றில் 13எம்எம் சவுண்ட் டிரைவர்கள் வழங்கப்பட்டு இருக்கின்றன. இவை தலைசிறந்த ஆடியோ அனுபவத்தை வழங்குகின்றன. காதுகளில் கச்சிதமாக பொருந்தி கொள்ளும் வடிவமைப்பு கொண்டிருக்கிறது.

இத்துடன் 360 டிகிரி ஆடியோ அனுபவம் வழங்குகிறது. இரு இயர்பட்களிலும் மேம்பட்ட சென்சார்கள் வழங்கப்பட்டுள்ளன. இவை அழைப்புகளை ஏற்பது மற்றும் இசையை அட்ஜஸ்ட் செய்யும் வசதியை வழங்குகின்றன. இவற்றில் 35 எம்ஏஹெச் பேட்டரி வழங்கப்பட்டு இருக்கின்றன. 

இவற்றை ஒரு முறை சார்ஜ் செய்தால் 2.5 மணி நேர மியூசிக் பிளேடைம் மற்றும் 3 மணி நேர டாக்டைம் வழங்குகிறது. ஐடெல் ஐடிடபிள்யூ 60 இயர்போன்களுடன் 500 எம்ஏஹெச் பேட்டரி கொண்ட சார்ஜிங் கேஸ் வழங்கப்பட்டு உள்ளது. இதை கொண்டு ஆறு முறை இயர்பட்களை சார்ஜ் செய்ய முடியும் என ஐடெல் தெரிவித்து உள்ளது.

ஐடெல் ஐடிடபிள்யூ 60 ட்ரூ வயர்லெஸ் இயர்போன்களின் விலை ரூ. 1688 என நிர்ணயம் செய்யப்பட்டு உள்ளன. இந்த இயர்போன் ஆஃப்லைன் சந்தையில் விற்பனை செய்யப்படுகிறது.