வவுனியா பொது வைத்தியசாலைக்கு புதிய வைத்தியர்கள் நியமனம்
வவுனியா பொது வைத்தியசாலையில் மகப்பேறு, இரத்த வங்கி உட்பட்ட பல்வேறு துறைகளைச் சேர்ந்த 9 வைத்தியர்கள் நியமிக்கப்பட்டுள்ளதாக வைத்தியசாலையின் பணிப்பாளர் காண்டீபன் தெரிவித்தார்.
மத்திய சுகாதார அமைச்சினால் நேற்றைய தினம் 11 வைத்தியர்கள் புதிதாக நியமிக்கப்பட்டனர்.
இந்த நியமனத்தில் வவுனியா பொது வைத்தியசாலைக்கு 9 வைத்தியர்களும், செட்டிகுளம் மற்றும் நெடுங்கேணி பிரதேச வைத்தியசாலைகளிற்கு தலா ஒவ்வொரு வைத்தியர்களும் நியமிக்கப்பட்டுள்ளனர்.
அவர்களில் 8 பேர் இன்றைய தினம் கடமைகளை பொறுப்பேற்றுள்ளதுடன் ஒருவர் எதிர்வரும் நாட்களில் பொறுப்பேற்பார் என்று வவுனியா வைத்தியசாலையின் பணிப்பாளர் தெரிவித்துள்ளார்.
