சாந்தனு-கீர்த்தி நடிக்கும் ஆல்பத்தின் தலைப்பு அறிவிப்பு

தமிழ் சினிமாவில் இளம் தம்பதிகளாக இருக்கும் சாந்தனு-கீர்த்தி நடிக்கும் ஆல்பத்தின் தலைப்பு அறிவிக்கப்பட்டுள்ளது.

தமிழ் சினிமாவில் இளம் தம்பதிகளாக இருப்பவர்கள் சாந்தனு-கீர்த்தி. நடிகர் சாந்தனு பல படங்களில் கதாநாயகனாகவும் முக்கிய கதாபாத்திரங்களிலும் நடித்துள்ளார். டிவி நிகழ்ச்சிகளில் தொகுப்பாளினியாக கீர்த்தி பணியாற்றியிருக்கிறார்.

 

சாந்தனுவும் கீர்த்தியும் இணைந்து புதிய மியூசிக் ஆல்பம் ஒன்றை உருவாக்க இருக்கிறார்கள். பிரபல நடன இயக்குனர் பிருந்தா இதை இயக்குகிறார். இதற்கான அறிவிப்பு சமீபத்தில் வெளியான நிலையில் தற்போது இதற்கு எங்க போற டீ என்று தலைப்பு வைத்து பர்ஸ்ட் லுக் போஸ்டரையும் வெளியிட்டு இருக்கிறார்கள்.

 

ஆல்பத்தின் தலைப்பு

 

இந்தப் போஸ்டர் தற்போது சமூக வலைத்தளத்தில் வைரலாகி வருகிறது. ஆர் ஜே விஜய் பாடல் எழுத, சாந்தனு பாட்டு பாட, தரண் குமார் இந்த ஆல்பத்திற்கு இசையமைக்கிறார்.