சாவுல கூட நியாயம் இல்ல - கவீன் ஆவேசம்

பிக்பாஸ் நிகழ்ச்சி மூலம் மிகவும் பிரபலமான நடிகர் கவீன், சாவுல கூட நியாயம் இல்ல என்று ஆவேசமாக கூறியிருக்கிறார்.

உத்தரப் பிரதேச மாநிலத்திலுள்ள ஹத்ராஸ் என்ற பகுதியில் இளம் பெண் ஒருவர் நான்கு பேரால் பாலியல் வன்கொடுமைக்கு ஆளாகி நாக்கு அறுக்கப்பட்டு இருந்ததாகவும் அவரது முதுகெலும்பு உடைக்கப்பட்டு இருந்ததாகவும் கூறப்படுகிறது.

 

படுகாயத்துடன் உயிருக்கு போராடிய அந்த இளம்பெண் நேற்று சிகிச்சையின் பலனின்றி மரணம் அடைந்தார். இந்த மரணத்தை அடுத்து அவசர அவசரமாக அந்த பெண்ணின் பெற்றோர்கள் சம்மதம் கூட இல்லாமல் போலீசார் அந்த பெண்ணின் உடலை தகனம் செய்து விட்டதாக கூறப்படுகிறது. இந்த விவகாரம் உத்தரபிரதேச மாநிலத்தை மட்டுமின்றி நாடு முழுவதும் பெரும் பரபரப்பை ஏற்படுத்தி உள்ளது.

இந்த நிலையில் நடிகர் கவீன் தனது சமூக வலைத்தள பக்கத்தில், ‘சாவில் கூட நியாயம் இல்ல’ #JusticeForManishaValmiki என்று ஆவேசமாக பதிவு செய்திருக்கிறார். இவரது பதிவுக்கு ஆதரவுகள் குவிந்து வருகின்றன.