பொதுவாக மனிதர்களின் சராசரி ஆயுட்காலம் 70 முதல் 80 ஆண்டுகள்.

ஆனால், பூமியில் சில விலங்குகள் 100 ஆண்டுகளுக்கும் மேலாக வாழ்கின்றன.

அந்தவகையில், உலகிலேயே அதிக ஆண்டுகள் வாழும் உயிரினம் எது என்பது குறித்து பார்க்கலாம்.

அதன்படி, உலகிலேயே அதிக ஆண்டுகள் அதாவது 150 ஆண்டுகள் வரை வாழக்கூடிய விலங்கு ஆமை.  

குறிப்பாக சில பெரிய நில ஆமை இனங்கள் 100 முதல் 150 ஆண்டுகள் அல்லது அதற்கும் மேலாக வாழ்வதாக ஆய்வுகள் தெரிவிக்கின்றன.

உலகின் பழமையான உயிரினங்களில் ஒன்றான ஆமைகளின் மூதாதையர் டைனோசர் காலத்தில் இருந்து பல பேரழிவுகளில் தப்பி இந்த பூமியில் வசித்து வருகின்றன.

ஆமைகள் 200 மில்லியன் ஆண்டுகளுக்கு முன்பிருந்து இந்த உலகில் வாழ்கின்றன.

ஆமைகள் நீண்ட காலம் வாழ முக்கிய காரணம் அவற்றின் மெதுவான வளர்சிதை மாற்றம். அவை குறைந்த ஆற்றலை பயன்படுத்தி அமைதியான வாழ்க்கை முறையை பின்பற்றுகின்றன.

ஆமைகளின் வலிமையான ஓடு, அதனை தாக்கும் எதிரிகளிடமிருந்து பாதுகாப்பு அளிக்கிறது. ஆபத்து ஏற்படும்போது தலை மற்றும் கால்களை ஓட்டிற்குள் இழுத்து உயிர் பிழைக்கிறது.

பெரும்பாலான நில ஆமைகள் புல், இலைகள், பழங்கள் உள்ளிட்ட தாவர உணவுகளை சாப்பிடுகின்றன.

ஆமை ஓடுகள், அதன் உடலின் இன்றியமையாத பாகம். ஒன்றுடன் ஒன்று இணைக்கப்பட்ட சராசரியாக50 எலும்புகளால் ஆனது ஆமை ஓடு.

அவற்றின் எளிய வாழ்க்கை முறையும் ஆரோக்கியமான உணவுப் பழக்கமும் நீண்ட ஆயுளுக்கு உதவுகின்றன.