யாழில் தாக்குதலுக்குள்ளான குடும்பஸ்தர் உயிரிழப்பு! கொலையென சந்தேகம்
தாக்குதலுக்குள்ளாகி யாழ். போதனா வைத்தியசாலையில் சிகிச்சை பெற்று வந்த குடும்பத்தலைவர் சிகிச்சை பயனின்றி உயிரிழந்துள்ளார்.
அவர் கொலை செய்யப்பட்டுள்ளார் என்ற அடிப்படையில் யாழ்ப்பாணம் நீதிவான் நீதிமன்றில் பொலிஸார் பி அறிக்கை தாக்கல் செய்துள்ளனர்.
யாழ். ஆசீர்வாதப்பர் வீதியைச் சேர்ந்த சதாசிவம் நந்தகுமார் (வயது-48) என்ற குடும்பத்தலைவரே உயிரிழந்தார்.
அவர் கடந்த முதலாம் திகதி தாக்குதலுக்கு உள்ளாகிய நிலையில் யாழ். போதனா வைத்தியசாலையில் சேர்க்கப்பட்டதாக விசாரணையில் தெரிவிக்கப்பட்டது.
கடந்த 5 நாட்களாக சிகிச்சை பெற்று வந்த அவர் இன்று அதிகாலை உயிரிழந்தார் என்று விசாரணையில் கூறப்பட்டது.
சம்பவம் தொடர்பில் வைத்தியசாலைக்குச் சென்று இறப்பு விசாரணைகளை முன்னெடுத்த யாழ். நீதிவான் ஏ.பீற்றர் போல், உடற்கூற்றுப் பரிசோதனையின் சடலத்தை உறவினர்களிடம் ஒப்படைக்க உத்தரவிட்டார்.
அத்துடன் இறப்பு விசாரணை வரும் 9ஆம் திகதி நீதிமன்றில் இடம்பெறும் என்றும் நீதிவான் தவணையிட்டார்.
லைப்ஸ்டைல் செய்திகள்
கர்நாடகா பாணியில் லெமன் சாதம்...இப்படி ஒரு முறை செய்து பாருங்க
21 December 2024
முள்ளங்கியின் மணம் பிடிக்கவில்லையா? இப்படி சட்னி செய்து பாருங்க
19 December 2024
கல்யாணவீட்டு பாணியில் பிரெட் அல்லா... இப்படி செய்து கொடுங்க
17 December 2024
