சஜித்துக்கு திங்கட்கிழமை வரை விதிக்கப்பட்டது காலக்கெடு

சஜித்துக்கு திங்கட்கிழமை வரை விதிக்கப்பட்டது காலக்கெடு

ஐக்கிய மக்கள் சக்தியில் உறுதியளித்தபடி தேசிய பட்டியல் நியமனம் தரப்படாவிட்டால், சிறுபான்மை கட்சிகளின் 15 எம்பிக்களும் பாராளுமன்றத்தில் தனிக்குழுவாக அமர வேண்டி வரும் என சஜித் பிரேமதாசவுக்கு எச்சரிக்கை விடுக்கப்பட்டுள்ளது.

ஐக்கிய மக்கள் சக்தியின் தலைமையகத்தில் நேற்று இரவுவரை நடைபெற்ற பேச்சுவார்த்தையில் இந்த எச்சரிக்கை விடுக்கப்பட்டுள்ளது.

திங்கட்கிழமை வரை இதற்காக காலக்கெடு விதிக்கப்பட்டிருப்பதாகவும் தெரிவிக்கப்படுகின்றது.

ஐக்கிய மக்கள் சக்திக்குக் கிடைத்திருக்கும் 7 தேசியப் பட்டியல் உறுப்பினர் பதவிகளுக்கும் சிங்களவர்களை நியமிப்பதற்கான நடவடிக்கை ஐ.ம.ச. தலைமையால் எடுக்கப்பட்டிருக்கும் நிலையிலேயே நேற்றிரவு அவசர கூட்டத்தை தமுகூ , ஸ்ரீலமுகா, அஇமகா கோரியிருந்தன.

நேற்று நள்ளிரவு வரையில் நடைபெற்ற கூட்டத்தில் முடிவு எதுவும் எடுக்கப்படாத நிலையிலேயே இந்த எச்சரிக்கை விடுக்கப்பட்டிருக்கின்றது.