காலி, அஹுங்கல்ல பிரதேசத்தில் நேற்று இரவு இடம்பெற்ற துப்பாக்கிச் சூட்டு தாக்குதலில் காயமடைந்த சிசுவும் அவரின் தந்தையும் மேலதிக சிகிச்சைக்காக கராப்பிட்டிய போதனா வைத்தியசாலைக்கு மாற்றப்பட்டுள்ளனர். 

துப்பாக்கிச் சூட்டு தாக்குதலில் 4 மாத சிசுவின் கால் மற்றும் தந்தையின் வாயில் காயம் ஏற்பட்டுள்ளது.

அஹுங்கல்ல கல்வெஹர பகுதியில் நேற்று இரவு மோட்டார் சைக்கிளில் கணவன் மற்றும் மனைவி கைக்குழந்தையுடன் பயணித்த போது துப்பாக்கிச் சூடு நடத்தப்பட்டுள்ளது.

காயமடைந்த பெண் பலப்பிட்டிய வைத்தியசாலையில் தொடர்ந்தும் சிகிச்சை பெற்று வருகின்றார். 32 மற்றும் 27 வயதுடைய தம்பதியரும் அவர்களது 4 மாதக் குழந்தையும் காயமடைந்துள்ளனர்.

இவர்கள் கல்வெஹர பிரதேசத்தில் வசிப்பவர்கள் என பொலிஸார் தெரிவித்தனர். 

குறித்த தம்பதியினர் தமது வியாபார ஸ்தலத்திலிருந்து வீட்டிற்குச் சென்றுகொண்டிருந்த போது, கல் வெஹெர பிரதேசத்தில் பதுங்கியிருந்த நபர் ஒருவரால் துப்பாக்கி சூடு நடத்தப்பட்டதாக விசாரணையில் தெரியவந்துள்ளது.

டி-56 ரக விமானங்கள் துப்பாக்கிச் சூடுக்கு பயன்படுத்தப்பட்டுள்ளதாக கூறப்படுகிறது. காயமடைந்தவர்களை பலப்பிட்டிய வைத்தியசாலையில் அனுமதித்ததன் பின்னர் மேலதிக சிகிச்சைக்காக கராப்பிட்டிய போதனா வைத்தியசாலைக்கு மாற்றப்பட்டுள்ளனர்.

சந்தேக நபர்களை கைது செய்வதற்கான விசாரணைகளை அஹுங்கல்ல பொலிஸார் மேற்கொண்டு வருகின்றனர்.