இலங்கை கடற்பரப்பிற்குள் அத்துமீறிய 23 இந்திய மீனவர்கள் கைது! (படங்கள்)
இலங்கை கடற்பரப்பிற்குள் அத்துமீறி நுழைந்து கடற்றொழிலில் ஈடுபட்ட 23 இந்திய மீனவர்கள் கைது செய்யப்பட்டுள்ளனர்.
யாழ்ப்பாணம் - பருத்தித்துறை கிழக்கு கடற்பரப்பின் வெற்றிலைக்கேணி பகுதியில் வைத்து அவர்கள் நேற்றிரவு கைது செய்யப்பட்டுள்ளதாகக் கடற்படை பேச்சாளர் கெப்டன் இந்திக்க டி சில்வா தெரிவித்தார்.
இதன்போது, அவர்கள் பயணித்த இரண்டு படகுகளும் கடற்படையினால் பறிமுதல் செய்யப்பட்டுள்ளதாக அவர் குறிப்பிட்டார்.
கைதானவர்கள், காங்கேசன்துறை - மயிலிட்டி துறைமுகத்திற்கு அழைத்துவரப்பட்டுள்ளதாக எமது செய்தியாளர் தெரிவித்தார்.
