அன்றாட வாழ்வில் தினமும் பயன்படுத்தும் காய்கறிகளிலே பல்லாயிரக்கணக்கான சத்துக்கள் நிரம்பியுள்ளது. அப்படிப்பட்ட பீர்க்கங்காய் தோலை வைத்து எப்படி சுவையான துவையல் செய்வது என்பதை பார்ப்போம்..

பீர்க்கங்காய் தோல் துவையல்

தேவையான பொருள்கள்:

பீர்க்கங்காய் தோல்- 1 கப்
காய்ந்த மிளகாய் - 10
உ.பருப்பு - 50 கிராம்
க.பருப்பு- 50 கிராம்
உப்பு- தேவையான அளவு
வெங்காயம்- 1
தேங்காய் துருவல்- 2 ஸ்பூன்
புளி- சிறிதளவு,

எண்ணெய்- 2 ஸ்பூன்

செய்முறை:

வெங்காயத்தை பொடியாக நறுக்கி கொள்ளவும்.

முதலில் பீர்க்கங்காயில் உள்ள தோல்களை தனியாக சீவி வைத்து கொள்ளவும்.

அடுப்பில் ஒரு கடாயை வைத்து உ .பருப்பு, க. பருப்பு மற்றும் காய்ந்த மிளகாய் ஆகியவற்றை பொன்னிறமாக வறுத்து தனியாக எடுத்து கொள்ளவும்.

அதே கடாயில் தேவையான அளவு எண்ணெய் விட்டு எண்ணெய் காய்ந்தவுடன் பீர்க்கங்காய் தோல், வெங்காயம், துருவிய தேங்காய் மற்றும் உப்பு ஆகியவை சேர்த்து நன்றாக 10 நிமிடம் வதக்கி கொள்ளவும்.

இரண்டு கலவையும் நன்றாக காற்றாட விட்டு பிறகு மிக்சியில் தேவையான தண்ணீர் விட்டு அரைத்து கொள்ளளவும்.

பத்தே நிமிடத்தில் சுவையான பீர்க்கங்காய் துவையல் தயார்.
 

இதனை சூடான சாதத்துடன் பிசைந்து சாப்பிடலாம். இட்லி,தோசை என டிபனுடன் சேர்த்து சாப்பிடலாம். .