வவுனியா புளியங்குளம் காவல்துறை பிரிவிற்குட்பட்ட நொச்சிகுளம் பகுதியில் அனுமதிப்பத்திரம் இன்றி   30 மாடுகளை ஏற்றிச் சென்ற   8 பேரை பொலிஸார் கைது செய்துள்ளனர்.

நொச்சிகுளம் பகுதியில் இன்று (வெள்ளிக்கிழமை)  பாதுகாப்பு கடமையில் ஈடுபட்டிருந்த பொலிஸார் அவ்வீதிவயால் வருகைதந்த நான்கு வாகனங்களை வழிமறித்து சோதனைசெய்தனர். இதன்போது குறித்த வாகனங்களில் 30 மாடுகள் அனுமதிப்பத்திரம் இன்றி கொண்டுசெல்லப்பட்டமை கண்டுபிடிக்கப்பட்டது.

வாகனத்தில் பயணித்த அனுராதபுரத்தை சேர்ந்த 8 பேரை கைதுசெய்த  பொலிஸார்,வாகனங்களையும்,மாடுகளையும் புளியங்குளம் பொலிஸ்நிலையத்திற்கு எடுத்துச்சென்றனர்.

கைப்பற்றப்பட்ட மாடுகள் மருதோடை பகுதியிலிருந்து அனுராதபுரம் நோக்கி எடுத்துச்செல்லப்படவிருந்ததுடன், அவற்றை எடுத்துச்செல்லவதற்கான அனுமதிப்பத்திரம் அவர்களிடம் இருக்கவில்லை என்று தெரிவித்த  பொலிஸார் கைப்பற்றப்பட்ட மாடுகள் அதன் உரிமையாளர்களிடம் இருந்து கொள்வனவு செய்யப்பட்டதா அல்லது களவாடப்பட்டதா என்பது தொடர்பில் விசாரணைகளை முன்னெடுத்து வருவதாக தெரிவித்தனர்.

கைதுசெய்பட்டவர்கள் மேலதிக விசாரணைகளின் பின்னர் வவுனியா நீதவான் நீதிமன்றில்  முற்படுத்த நடவடிக்கை மேற்கொள்ளப்பட்டுள்ளதாக பொலிஸார் மேலும்  குறிப்பிட்டனர்.