காதல் தோல்வியால் ஏற்படும் திடீர் தனிமையை சமாளிப்பது எப்படி?

உங்கள் காதல் வாழ்க்கை தோல்வியடையும்போது, அதற்காக உங்கள் மனதைப் பாதிப்படைய விடாதீர்கள். அமைதியாக அதை கடந்து செல்ல என்ன செய்யலாம் என்று யோசியுங்கள்.

ஒரு ஜோடியாக நீங்கள் பலகாலம் இருந்தால், ஒன்றாகவே எதையும் செய்யப்பழகிவிட்ட உங்களுக்கு, திடீரென்று பிரிவை சந்திக்கும்போது, கை ஒடிந்து போனது போல் உணர்வீர்கள். இருப்பினும், அதை போக்குவதற்கான உத்திகளை கொண்டு, இந்த தனிமையின் வாட்டத்தை போக்கி, மீண்டும் வசந்தத்தை அடைய முடியும்.

 

நீங்கள் தயாராவதற்கு முன்பே, மற்றவர்களுடன் பழகிக்கொள்ளவோ, டேட்டிங்கிற்கு நாள் குறிக்கவோ வேண்டாம். உங்கள் இழந்த காதலுக்காக சோகம் கொள்ள உங்களை விட்டு செல்ல அனுமதிக்கவும். சொந்தமாக விஷயங்களைச் செய்யப்பழகி, உங்கள் சொந்த துணையை ரசிக்கத் தொடங்குங்கள். உடனடியாக வேறொரு உறவை நாடுவதோ, அல்லது டேட்டிங் செய்ய முற்படுவதோ, எதிர்வினையை தரக்கூடும்.

 

உங்களை தொந்தரவு படுத்திக் கொண்டிருக்கும் என்பதால், நண்பர்கள் மற்றும் குடும்பத்தினர் மத்தியில் உங்களது முன்னாள் துணையைப் பற்றி பேசுவதற்கு அழுத்தம் தர வேண்டாம். நீங்கள் இருவரும் ஏன் பிரிந்தீர்கள் என்பதை அறிய பலரும் ஆர்வம் காட்டுவார்கள்; ஆனால் நீங்கள் யாருக்கும் விளக்கம் தர வேண்டியதில்லை. அவரை பற்றி பேச விரும்பவில்லை என்பதை, நீங்கள் அவர்களிடம் தயக்கமின்றி சொல்லிவிடலாம்.

 

 

உங்களின் துணை பற்றிய அனைத்து நினைவுகளையும் அகற்றுவதன் மூலம், அதிலிருந்து விடுபட உங்களுக்கு நீங்களே உதவுங்கள். பழைய புகைப்படங்கள், நினைவு பொருட்கள், உடைகள், பரிசுகள் அனைத்தையும் அப்புறப்படுத்துங்கள். இனி உங்களுக்கு அவற்றால் எந்த பயனும் இல்லை. இருப்பினும், இதில் மிக முக்கியமான விஷயம், அனைத்து சோஷியல் மீடியா தகவல் பரிமாற்றங்களையும் தொடர்புகளையும் குறைப்பதாகும். அவரை, எல்லா இடங்களிலும் முடக்கி, இணையம் வாயிலாக உங்களின் தூண்டுதலை கட்டுப்படுத்துங்கள்!

 

உங்கள் விருப்பத்தை கண்டுபிடித்து, அங்கு செல்வதற்கான பணியை பாருங்கள். வேறு யாரும் என்ன நினைப்பார்களோ என்பதைப் பற்றி நீங்கள் இனி கவலைப்பட வேண்டியதில்லை என்பதால், நீங்கள் விரும்பும் வழியில் வாழுங்கள், உங்கள் கருத்துக்களை சுதந்திரமாக அல்லது தைரியமாக தெரிவியுங்கள்!

 

ஒரு உறவில் இருப்பது என்பது, பெரும்பாலும் நம்மை மாற்றிக் கொள்ளவும், நம்மை நாமே குறைந்த கருத்துக்கூறவும் தூண்டுகிறது. எனவே, உங்களை வளர்த்துக் கொள்ள, இந்த வாய்ப்பைப் பயன்படுத்துங்கள். புதிய பொழுதுபோக்குகளை வளர்த்துக் கொள்ளுங்கள், புதிய நண்பர்களை உருவாக்குங்கள், புதிய உலகை ஆராயுங்கள், நீங்கள் மீண்டும் டேட்டிங் போக முடிவு செய்தால், கடந்த கால தோல்விகளில் இருந்து நீங்கள் கற்றுக்கொண்டதை பயன்படுத்தி, உறுதியாக மீண்டும் அதே தவறுகளைத் தவிர்க்க மறக்காதீர்கள். 

லைப்ஸ்டைல் செய்திகள்