நெல் கொள்வனவு உள்ளிட்ட பல பிரச்சினைகள் விவசாயிகள் மத்தியில் தற்போது எழுந்துள்ளதாக விவசாய பிரதியமைச்சர் நாமல் கருணாரத்ன (Namal Karunarathna) தெரிவித்துள்ளார். 

மொனராகலையில் இடம்பெற்ற நிகழ்வொன்றில் வைத்து அவர் இதனை குறிப்பிட்டுள்ளார். 

இதன்போது கருத்து தெரிவித்த அமைச்சர், நெல் களஞ்சியசாலைகளில் உள்ள நெல் விடுவிக்கப்படும். நெல்லுக்கு உரிய விலை நிர்ணயிக்கப்பட்டுள்ளது.  எனவே, விவசாயிகள் போராட்டம் நடத்த தேவையில்லை.

பெரும்போகத்தில் விவசாயிகளுக்கான அனைத்து பிரச்சினைகளும் நிவர்த்திக்கப்படும் என விவசாய பிரதியமைச்சர் நாமல் கருணாரத்ன தெரிவித்துள்ளார்.

இதேவேளை, 2024/2025 பெருபோகத்தில் நெல், சோளம், பெரிய உப்பு, மிளகாய், சோயா மற்றும் உருளைக்கிழங்கு பயிர் இழப்புகளுக்கு இழப்பீடாக விவசாயிகளுக்கு இந்த ஆண்டு 1484 மில்லியன் ரூபாய் செலுத்தப்பட்டுள்ளது.

விவசாயிகள் அதிகமாக அறுவடை செய்ய ஊக்குவிக்கும் நோக்கில், இலவச பயிர் காப்பீட்டு திட்டத்தின் கீழ் இந்த பயிர் சேத இழப்பீடு வழங்கப்பட்டத்தாக கமத்தொழில் அமைச்சு தெரிவித்துள்ளது.

இதன் கீழ், நெல், நாற்று சோளம், பெரிய வெங்காயம், உருளைக்கிழங்கு, மிளகாய், சோயா போன்ற பயிர்களை பயிரிடுவதற்காக 87690 ஏக்கர் நிலத்தில் பயிரிடும் 74958 விவசாயிகளுக்கு ரூ.1484 மில்லியன் வழங்கப்பட்டுள்ளது.