தமிழர் பகுதியில் பெரும் சோக சம்பவம்: பரிதாபமாக உயிரிழந்த 14 வயது சிறுவன்!
திருகோணமலை பகுதியில் ரயிலுடன் மோதி சிறுவன் ஒருவர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
இச்சமபவம் தம்பலகாமம் பகுதியில் இன்றைய தினம் (11-02-2024) இடம்பெற்றுள்ளது.
குறித்த சம்பவத்தில் முள்ளிப்பொத்தானை யூனிட்-07 பகுதியில் வசித்து வந்த 14 வயதுடைய நளீம் முஹம்மது சப்ரிட் என்ற மாணவனே உயரிழந்துள்ளார்.
சம்பவம் தொடர்பாக தெரியவருகையில்,
குறித்த சிறுவன், தம்பலகாமம் பகுதியிலுள்ள பாலத்துக்கு அருகில் சக நண்பர்களுடன் மீன் பிடித்துக் கொண்டிருந்துள்ளார்.
அப்போது, கொழும்பில் இருந்து திருகோணமலை நோக்கி சென்று கொண்டிருந்த ரயிலுடன் மோதியதாகவும் தெரிய வருகின்றது.
உயிரிழந்தவரின் சடலம் கந்தளாய் வைத்தியசாலை பிரேத அறையில் வைக்கப்பட்டுள்ளது.
சம்பவம் தொடர்பிலான மேலதிக விசாரணைகளை தம்பலகாமம் பொலிஸார் முன்னெடுத்து வருகின்றனர்.
