பாணந்துறை பிரதேசத்தில் அரசாங்க பெண் சட்டத்தரணி ஒருவரை நபர் ஒருவர் கூரிய ஆயுதத்தால் தாக்கியுள்ளார்.

நேற்று (23) பாணந்துறை பிரதேசத்தில் உள்ள சட்டத்தரணியின் வீட்டிற்கு அருகில் வைத்து அவர் மீது தாக்குதல் நடத்தப்பட்டுள்ளது.

அரசாங்க சட்டத்தரணியுடன் நீண்ட காலமாக தகாத உறவில் ஈடுபட்டிருந்த முன்னாள் இராணுவ சிப்பாய் ஒருவரே இந்த தாக்குதலை மேற்கொண்டுள்ளதாக தெரிவிக்கப்படுகின்றது.

சமீபகாலமாக தாக்குதலுக்கு உள்ளான சட்டத்தரணி சந்தேகநபரை தவிர்த்து வந்ததே தாக்குதலுக்குக் காரணம் என்று பொலிஸார் தெரிவிக்கின்றனர்.

தாக்க முயற்சித்த பின், ரயில் நிலையத்தை நோக்கி ஓடிய பெண், மூன்று முறை கத்தியால் குத்தப்பட்டுள்ளார்.

இதில் அவருக்கு சிறு காயங்கள் ஏற்பட்டுள்ளதாக தெரிவிக்கப்படுகிறது.

சந்தேக நபரை கைது செய்ய முற்பட்ட போது பாணந்துறை புகையிரத நிலையத்திற்கு முன்பாக கடமையில் ஈடுபட்டிருந்த போக்குவரத்து உத்தியோகத்தர் ஒருவருக்கும் சிறு வெட்டுக்காயங்கள் ஏற்பட்டுள்ளன.

சந்தேக நபர் பாணந்துறை நீதவான் நீதிமன்றில் ஆஜர்படுத்தப்படவுள்ளார்.