Breaking News
Home / latest-update / வீட்டிலேயே செய்யலாம் சாக்லேட் ஐஸ்கிரீம்
https://play.google.com/store/apps/details?id=app.yarlosai.com

வீட்டிலேயே செய்யலாம் சாக்லேட் ஐஸ்கிரீம்

வீட்டிலேயே செய்யலாம் சாக்லேட் ஐஸ்கிரீம்

தேவையான பொருட்கள் :

ஹெவி கிரீம் – 1 1/2 கப்
பால் – 1/2 கப்
கோகோ பவுடர் – 1/4 கப்
இன்ஸ்டன்ட் காபி தூள் – 1/2 தேக்கரண்டி
சக்கரை – 1/2 கப்
நாட்டு சக்கரை (கரும்பு சக்கரை) – 1/4 கப்
உப்பு – 1/4 தேக்கரண்டி
வெண்ணிலா எசென்ஸ் – 1/4  தேக்கரண்டி
சாக்லேட் சிப்ஸ் – விருப்பத்திற்கு ஏற்ப.

செய்முறை :

பாலை நன்றாக காய்ச்சி பிரிட்ஜில் 2 மணி நேரம் குளிர வைத்து கொள்ளவும்.

ஒரு அகன்ற பாத்திரத்தில் கோகோ பவுடர், சக்கரை, நாட்டு சக்கரை (கரும்பு சக்கரை), இன்ஸ்டன்ட் காபி தூள் மற்றும் உப்பு சேர்த்து நன்கு கலக்கவும்.

அனைத்து நன்றாக கலந்த பின்னர் அதனுடன்  காய்ச்சி குளிர  வைத்த  பால்  சேர்த்து  கைவிடாமல் கலக்கவும்.

அடுத்து அதனுடன் ஹெவி கிரீம் மற்றும் வெண்ணிலா எசென்ஸ் சேர்த்து நன்கு கலக்கவும்.

இந்தக் கலவையை ஒரு காற்றுப் புகாத பிளாஸ்டிக் டப்பாவில் போட்டு பிரிட்ஜ் ப்ரீசரில் 3 மணி நேரம் வைக்க வேண்டும். மூன்று மணி  நேரம் கழித்து ஐஸ்கிரீம் கலவையை  எடுத்து அதை மிக்சியில் போட்டு 30 நொடிகள் வரை குறைவான வேகத்தில் அடித்து மீண்டும் டப்பாவில் போட்டு ப்ரீசரில் வைக்க வேண்டும்.

இதே போல் ஒவ்வொரு 3 மணி நேரத்திற்கு ஒரு முறையும் மிக்ஸியில் போட்டு நன்றாக அடித்து பிரிட்ஜ் ப்ரீசரில் வைக்கவும். இது போன்று 3 முறை செய்ய வேண்டும்.  இவ்வாறு செய்வதனால் கட்டி சேராமல் ஐஸ்கிரீம் சாப்பிடுவதற்கு மென்மையாக இருக்கும்.

கடைசியாக இதில் சாக்லேட் சிப்ஸ் சேர்த்து கலக்கி ஒரு இரவு முழுவதும் பிரிட்ஜ் பிரீசரில் வைத்து எடுத்து பரிமாறவும்.

சுவையான சாக்லேட் ஐஸ்கிரீம் தயார்!

குறிப்பு:

1. பிரீசரை அதிகமான குளிர்ச்சியில் வைக்கவும்.
2. மிக்ஸியில் போட்டு 15 – 30 நொடி வரை சுற்றினால் போதுமானது. அதற்கு மேல் சுற்றினால் கிரீம் வெண்ணை ஆவதற்கு வாய்ப்புகள் அதிக வாய்ப்புள்ளது.
3. அமுல் ஹெவி கிரீம் கொண்டு செய்து பாருங்கள். இல்லையெனில் 35% மேல் கொழுப்புள்ள எந்த கிரீம் வேண்டுமானாலும் உபயோகிக்கலாம்.
4. எந்த ஒரு இன்ஸ்டன்ட் தூள் வேண்டுமென்றாலும் பயன்படுத்தலாம்.

Check Also

சீனாவில் கார் விபத்தின்போது வரிசையாக 28 லாரிகள் மோதல் – 3 பேர் பலி

சீனாவின் ஹேனான் மாகாணத்தில் இன்று நிகழ்ந்த கார் விபத்தின் எதிரொலியாக 28 லாரிகள் ஒன்றோடொன்று மோதிக்கொண்ட விபத்தில் 3 பேர் …