Breaking News
Home / latest-update / யாழ்ப்பாணம், சுழிபுரம் பகுதியில் கொலை செய்யப்பட்ட மாணவி வல்லுறவுக்கு உட்படுத்தப்படவில்லை
https://play.google.com/store/apps/details?id=app.yarlosai.com

யாழ்ப்பாணம், சுழிபுரம் பகுதியில் கொலை செய்யப்பட்ட மாணவி வல்லுறவுக்கு உட்படுத்தப்படவில்லை

யாழ்ப்பாணம், சுழிபுரம் பகுதியில் கொலை செய்யப்பட்ட 6 வயதுடைய மாணவி பாலியல் வல்லுறவுக்கு உட்படுத்தப்படவில்லை என்றும், கொலை செய்யப்பட்டுள்ளதாகவும் மருத்துவ அறிக்கையில் தெரிவிக்கப்பட்டுள்ளது.

யாழ்ப்பாணம், சுழிபுரம் காட்டுப்புலம் பகுதியில் சிவநேஸ்வரன் றெஜினா என்ற 6 வயதுடைய பாடசாலை மாணவி கழுத்தில் கயிற்றினால் நெறிக்கப்பட்டு கொலை செய்யப்பட்ட நிலையில் கிணற்றில் இருந்து சடலமாக மீட்கப்பட்டிருந்தார்.

சிறுமியின் சடலம் பிரேத பரிசோதனைக்காக யாழ். போதனா வைத்தியசாலையில் ஒப்படைக்கப்பட்டிருந்த நிலையில் இன்று (26) யாழ். போதனா வைத்தியசாலை சட்ட வைத்திய அதிகாரியினால் சிறுமியின் சடலம் பிரேத பரிசோதனைக்கு உட்படுத்தப்பட்டது.

இதன் போது, சிறுமியின் கழுத்தில் கயிற்றினால் நெறிக்கப்பட்ட தடயம் காணப்படுவதுடன், சிறுமி எந்தவித பாலியல் வல்லுறவுக்கும் உள்ளாக்கப்படவில்லை என்றும் தெரிவிக்கப்பட்டுள்ளது.

இதனை தொடர்ந்து, சம்பவத்துடன் தொடர்புடைய குற்றச்சாட்டில், நான்கு பேர் இன்று வட்டுக்கோட்டைப் பொலிஸாரினால் கைது செய்யப்பட்டுள்ளனர்.

கைது செய்யப்பட்ட நபர்களிடம் வட்டுக்கோட்டைப் பொலிஸார் விசாரணைகளை முன்னெடுத்து வருகின்றார்கள்.

இவர்களை விசாரணையின் பின்னர் மல்லாகம் நீதிமன்றில் ஆஜர்ப்படுத்துவதற்கான நடவடிக்கைகளை முன்னெடுத்து உள்ளதாகவும் வட்டுக்கோட்டைப் பொலிஸார் மேலும் தெரிவித்தனர்.

Check Also

இன்றைய ராசி பலன் (19-09-2018)

மேஷம் செப்டம்பர் 19, 2018 இன்று உங்கள் முயற்சிகள் வெற்றி பெறும். செய்யும் தொழிலில் முன்னேற்றம் மிகுந்திருக்கும். பணவரவு உங்கள் …