Breaking News
Home / latest-update / சானியா மிர்சாவுக்கு ஆண் குழந்தை பிறந்தது!
https://play.google.com/store/apps/details?id=app.yarlosai.com

சானியா மிர்சாவுக்கு ஆண் குழந்தை பிறந்தது!

இந்தியாவின் முன்னணி டென்னிஸ் வீராங்கனை சானியா மிர்சா (வயது 31). 6 முறை கிராண்ட்ஸ்லாம் பட்டங்களை வென்று அசத்தி இருக்கும் சானியா மிர்சா இரட்டையர் பிரிவு தரவரிசையில் உலகின் நம்பர் ஒன் இடத்தையும் பிடித்து சாதனை படைத்தார்.

சாதனை நாயகியான சானியா மிர்சா கடந்த 2010 ஆம் ஆண்டு ஏப்ரல் மாதத்தில், பாகிஸ்தான் கிரிக்கெட் வீரர் சோயிப் மாலிக்கை திருமணம் செய்தார். இருப்பினும் அவர் தொடர்ந்து இந்தியாவுக்காக விளையாடி வருகிறார்.

இந்த நிலையில், சானியா மிர்சா – சோயிப் மாலிக் ஜோடிக்கு இன்று ஆண் குழந்தை பிறந்துள்ளது. சோயிப் மாலிக் டுவிட்டரில் இந்த தகவலை மகிழ்ச்சியுடன் வெளியிட்டுள்ளார்.

ஐதராபாத்தில் உள்ள தனியார் வைத்தியசாலையில் சானியாவுக்கு குழந்தை பிறந்துள்ளது. வைத்தியசாலையில் சானியாவுடன் அவரது பெற்றோர் மற்றும் கணவர் சோயிப் மாலிக் உடனிருந்து கவனித்து வருகின்றனர். சானியா மிர்சா- சோயிப் மாலிக்கிற்கு டுவிட்டரில் ரசிகர்கள் வாழ்த்துக்களை தெரிவித்து வருகின்றனர். பிரபலங்களும் டுவிட்டர், இண்ஸ்டாகிராம் ஆகியவை வாயிலாக வாழ்த்துக்களை பகிர்ந்து வருகின்றனர்.

Check Also

யாழ்ப்பாணத்தையும் விட்டு வைக்காத கஜா புயல்….!! 700ற்கும் அதிகமான குடும்பங்கள் பாதிப்பு….!

கஜா புயல் காரணமாக யாழ்.மாவட்டத்தில் 700 குடும்பங்கள் பாதிக்கப்பட்டுள்ளதாகவும், ஆனால் 1000 இற்கும் அதிகமான குடும்பங்கள் பாதிக்கப்பட்டிருக்கலாம், அவற்றிற்கான புள்ளவிபரங்கள் …