Breaking News
Home / latest-update / இலங்கைக்கு எதிரான ஒருநாள் போட்டி தொடர்: இந்தியா முதலிடத்தை பிடிக்க வாய்ப்பு
https://play.google.com/store/apps/details?id=app.yarlosai.com

இலங்கைக்கு எதிரான ஒருநாள் போட்டி தொடர்: இந்தியா முதலிடத்தை பிடிக்க வாய்ப்பு

இலங்கைக்கு எதிரான ஒருநாள் போட்டி தொடர்: இந்தியா முதலிடத்தை பிடிக்க வாய்ப்பு

மும்பை:

இலங்கை கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் மோதிய 3 போட்டி கொண்ட டெஸ்ட் தொடரை 1-0 என்ற கணக்கில் இந்தியா கைப்பற்றியது.

அடுத்து இந்தியா – இலங்கை அணிகள் 3 போட்டி கொண்ட ஒருநாள் தொடரில் விளையாடுகிறது. முதல்போட்டி வருகிற 10-ந் தேதி (ஞாயிறு) தர்மசாலாவில் நடக்கிறது. 2-வது ஆட்டம் 13-ந் தேதி மொகாலியிலும், 3-வது ஆட்டம் 17-ந் தேதி விசாகப்பட்டினத்திலும் நடக்கிறது. ஒருநாள் போட்டி தரவரிசை பட்டியலில் தென்ஆப்பிரிக்கா, இந்தியா தலா 120 புள்ளிகளுடன் உள்ளன. சதம், புள்ளிகள் வித்தியாசத்தில் தென்ஆப்பிரிக்கா முதலிடம் வகிக்கிறது. இந்தியா 2-வது இடத்தில் உள்ளன.

இலங்கைக்கு எதிரான ஒரு நாள் போட்டி தொடரை இந்தியா முழுமையாக (3-0) கைப்பற்றினால் 121 புள்ளிகள் பெற்று ஒருநாள் போட்டி தரவரிசையில் இந்தியா முதலிடத்தை பிடிக்கும்.

மாறாக இந்தியா 2-1 என்ற கணக்கில் தொடரை கைப்பற்றினால் ஒரு புள்ளி குறைந்து 119 புள்ளிகளுடன் இருந்தும், தொடரில் ஒரு ஆட்டம் மழையால் ரத்து செய்யப்பட்டாலோ அல்லது 1-1 என்ற கணக்கில் சமநிலையில் முடிந்தாலோ இந்தியா 2-வது இடத்திலேயே நீடிக்கும்.

தொடரை இழந்தாலும் இந்தியாவுக்கு பாதிப்பு ஏற்படாது. 2-வது இடத்திலேயே நீடிக்கும்.

இலங்கைக்கு எதிரான ஒரு நாள் போட்டி தொடரில் கேப்டன் வீராட் கோலிக்கு ஓய்வு அளிக்கப்பட்டு உள்ளது. தற்காலிக கேப்டனாக ரோகித் சர்மா நியமிக்கப்பட்டு உள்ளார்.

Check Also

ஒவ்வொரு காட்சிக்கும் ரஜினி மெனக்கெடுகிறார் – விஜய் சேதுபதி

பேட்ட படத்தில் ரஜினியுடன் நடித்துள்ள விஜய் சேதுபதி, ஒவ்வொரு காட்சிக்கும் ரஜினி மெனக்கெடுகிறார் என்று கூறியிருக்கிறார். #Petta #Rajini #VijaySethupathi …