Breaking News
Home / latest-update / இணையத்தில் லீக் ஆன கேலக்ஸி நோட் 9
https://play.google.com/store/apps/details?id=app.yarlosai.com

இணையத்தில் லீக் ஆன கேலக்ஸி நோட் 9

இணையத்தில் லீக் ஆன கேலக்ஸி நோட் 9

சீன வலைத்தளத்தில் ஸ்னாப்டிராகன் சிப்செட் கொண்டிருக்கும் கேலக்ஸி நோட் 9 ஸ்மார்ட்போன் லீக் ஆன நிலையில், இம்முறை எக்சைனோஸ் சிப்செட் கொண்ட வேரியன்ட் விவரங்கள் லீக் ஆகியுள்ளது.
இந்த ஆண்டு வெளியாக இருக்கும் கேலக்ஸி நோட் ஸ்மார்ட்போனில் எக்சைனோஸ் 9810 சிப்செட் கொண்டிருக்கும் என தெரியவந்துள்ளது. முன்னதாக சாம்சங் நிறுவனம் வெளியிட்ட கேலக்ஸி எஸ்9 மற்றும் கேலக்ஸி எஸ்9 பிளஸ் ஸ்மார்ட்போன்களிலும் எக்சைனோஸ் 9810 சிப்செட் வழங்கப்பட்டு இருப்பது குறிப்பிடத்தக்கது.

ஆக்டாகோர் சிப்செட் 1.79 ஜிகாஹெர்ட்ஸ் கொண்டிருப்பதோடு, ஆன்ட்ராய்டு 8.1 ஓரியோ இயங்குதளம் மற்றும் 6 ஜிபி ரேம் கொண்டிருக்கும் என சீன வலைத்தளத்தில் வெளியாகியிருக்கும் தகவல்களில் தெரிவிக்கப்பட்டுள்ளது.

சிங்கிள் கோர் சோதனையில் இந்த சாதனம் 2737 புள்ளிகளை பெற்றிருக்கும் நிலையில், மல்டி-கோர் சாதனம் 9064 புள்ளிகளை பெற்றிருக்கிறது. இது ஸ்னாப்டிராகன் பெற்றிருந்த வேரியன்ட்-ஐ விட அதிகம் ஆகும். ஸ்னாப்டிராகன் 845 சிப்செட் கொண்ட வேரியன்ட் சோதனையில் 2190 மற்றும் 8806 புள்ளிகளை பெற்றிருந்தது குறிப்பிடத்தக்கது.

முந்தைய ஆண்டுகளை விட இந்த ஆண்டு சாம்சங் கேலக்ஸி நோட் ஸ்மார்ட்போன்கள் முன்கூட்டியே அறிமுகம் செய்யப்படும் என தகவல்கள் வெளியாகியுள்ளது. அந்த வகையில் கேலக்ஸி நோட் 9 ஸ்மார்ட்போன் ஜூலை மாத வாக்கில் அறிமுகம் செய்யப்படலாம் என்றும் அறிமுக நிகழ்வு ஜூலை 29-ம் தேதி நடைபெறும் என கூறப்படுகிறது.

சாம்சங் கேலக்ஸி நோட் 9 ஸ்மார்ட்போன் முந்தைய கேலக்ஸி நோட் போன்றே காட்சியளிக்கும் என்றும் இதன் கைரேகை சென்சார் வழக்கமான கேலக்ஸி மாடல்களை போன்றே பின்புறம் வழங்கப்படும் என கூறப்படுகிறது. முன்னதாக வெளியான தகவல்களில் கேலக்ஸி நோட் 9 ஸ்மார்ட்போனில் இன்-டிஸ்ப்ளே கைரேகை சென்சார் தொழில்நுட்பம் வழங்கப்படலாம் என கூறப்பட்டிருந்தது.

Check Also

இன்றைய ராசி பலன் (19-09-2018)

மேஷம் செப்டம்பர் 19, 2018 இன்று உங்கள் முயற்சிகள் வெற்றி பெறும். செய்யும் தொழிலில் முன்னேற்றம் மிகுந்திருக்கும். பணவரவு உங்கள் …