Breaking News
Home / latest-update / ஆர்.கே.நகர் இடைத்தேர்தல் பிரசாரம் குறித்து பரவிய வதந்திக்கு நடிகர் கவுண்டமணி மறுப்பு
https://play.google.com/store/apps/details?id=app.yarlosai.com

ஆர்.கே.நகர் இடைத்தேர்தல் பிரசாரம் குறித்து பரவிய வதந்திக்கு நடிகர் கவுண்டமணி மறுப்பு

முன்னாள் முதல்வர் ஜெயலலிதா மறைவால் ஆர்.கே.நகர் தொகுதி காலியாக இருக்கிறது.
ஆர்.கே.நகரில் டிசம்பர் 21-ம் தேதி தேர்தல் நடத்தப்படும் என தேர்தல் ஆணையம் அறிவித்தது. இதையடுத்து வேட்பு மனுத் தாக்கல் செய்யப்பட்டு, அதில் 72 பேரின் மனுக்கள் ஏற்றுக் கொள்ளப்பட்டன. நடிகர் விஷால், ஜெ.தீபா உள்ளிட்ட 74 பேரின் மனுக்கள் நிராகரிக்கப்பட்டது.
இதில் ஆளுங்கட்சியான அ.தி.மு.க. சார்பில் மதுசூதனனும், தி.மு.க. சார்பில் மருது கணேஷும் போட்டியிடுகின்றனர். அதற்கான தேர்தல் பிரசாரமும் தீவிரமாக நடைபெற்று வரும் நிலையில், ஆர்.கே.நகர் இடைத்தேர்தலில் குறிப்பிட்ட ஒரு கட்சிக்கு ஆதரவாக நடிகர் கவுண்டமணி பிரசாரம் செய்வதாக வெளியான தகவலுக்கு நடிகர் கவுண்டமணி மறுப்பு தெரிவித்து விளக்கம் அளித்திருக்கிறார்.
இதுகுறித்து கவுண்டமணி கூறியிருப்பதாவது,
நான் எந்தக் கட்சியையும் சாராதவன், ஆர்.கே.நகரில் ஒரு குறிப்பிட்ட கட்சியை ஆதரித்து நான் பிரசாரம் செய்யப்போவதாக பரப்பப்படும் தகவல்களில் எந்த உண்மையும் இல்லை. இதுபோன்ற அவதூறு செய்தி வெளியிட்டால் சட்ட ரீதியான நடவடிக்கை எடுக்கப்படும் என்றும் எச்சரிக்கை விடுத்துள்ளார்.

Check Also

ஒவ்வொரு காட்சிக்கும் ரஜினி மெனக்கெடுகிறார் – விஜய் சேதுபதி

பேட்ட படத்தில் ரஜினியுடன் நடித்துள்ள விஜய் சேதுபதி, ஒவ்வொரு காட்சிக்கும் ரஜினி மெனக்கெடுகிறார் என்று கூறியிருக்கிறார். #Petta #Rajini #VijaySethupathi …