ஆபிஸ்ல ரொமான்ஸ் பண்றவங்களா நீங்க?

இன்றைய காலத்தில் பெண்களில் வேலைக்குச் செல்லாதவர்களை பார்க்கவே முடியாது. அவ்வாறு பெண்கள் வேலைக்கு செல்லும் போது அங்கு நண்பர்களாக கண்டிப்பாக ஆண்கள் இருப்பார்கள். நண்பர்களாகும் அவர்கள் வேலைக் காரணமாக ஒன்றாக செல்ல வேண்டிய சூழ்நிலை அமையும். அவ்வாறு 8-10 மணிநேரம் ஒன்றாகவே அவர்கள் இருப்பதால், சில சமயங்களில் இருவருக்கிடையில் காதல் கூட மலர ஆரம்பிக்கும். இந்த நிலையில் அவர்கள் டேட்டிங் கூட செல்வார்கள். ஏன் ஆபிஸிலேயே சூப்பர் ரொமான்ஸ் நடக்கும். இவ்வாறு வேலை செய்பவர்களுடன் காதல் மலர்ந்து, என்னென்ன நடக்கும் என்று முக்கியமான சில விஷயங்களை மனதில் கொள்ள வேண்டும். அது என்னவென்று அனுபவசாலிகள் கூறுவதை படித்து தெரிந்து கொள்ளுங்கள்…
ஆபிஸ் காதலால் ஏற்படும் நன்மை:
* எப்போதும் ஒன்றாகவே இருக்கலாம். தன் துணையை விட்டு பிரிகிறோம் என்ற கவலை இருக்காது. எப்போதுமே அவர்களுடன் பேசலாம். அதிலும் இந்த காலத்தில் பணத்தேவையின் காரணமாக மனையி கூட வேலைக்கு செல்ல வேண்டிய கட்டாயத்தில் இருக்கிறாள். அதனால் துணைவருடன் நீண்ட நேரம் இருக்க முடியாத நிலையில் உள்ளோம். ஆனால் ஒரே ஆபிஸில் வேலை செய்வதால், அந்த கவலை இருக்காது. மேலும் ஒரு நல்ல பாதுகாப்பு இருப்பது போலும் இருக்கும். முக்கியமாக ஆபிஸில் காதல் செய்வதைப் பற்றி யாரிடமும் பகிர்ந்து கொள்ளக் கூடாது.
* வேலை செய்யும் போது உள்ளம் எப்போதும் உற்சாகத்துடன் இருக்கும். ஒவ்வொரு நிமிடமும் மிகவும் சந்தோஷமாக போகும். மேலும் என்னதான் வேலைப்பளு மற்றும் டென்சன் வந்தாலும், துணை பார்த்து சிரித்தால் போதும் அது ஒரு சிறிய விஷயமாக மாறிவிடும்.
* ஆபிஸில் நடக்கும் ரொமான்ஸ் மிகவும் வித்தியாசமாக இருக்கும். அதிலும் ஏதேனும் பிரச்சனை வரும் போதோ அல்லது ஏதேனும் தெரியவில்லை என்றால் அப்போது துணை வந்து சொல்லிக் கொடுக்கும் போது நடக்கும் ரொமான்ஸிற்கு அளவே இருக்காது. அதுமட்டுமல்லாமல், ஆபிஸில் வேலை செய்பவர்களுடன் ஏதாவது போட்டி என்றால், அப்போது நம் துணை மிகவும் உதவியாக இருப்பர்.
* ஒரே ஆபிஸில் வேலை செய்பவரை காதலித்து திருமணம் செய்தால், இருவருக்கும் இடையில் ஒரு நல்ல புரிதல் இருக்கும். மேலும் அந்த புரிதலால் எந்த ஒரு சண்டையும் இருவருக்கும் வராது. தற்போது கணவன் மனைவி இருவரும் ஒரே ஆபிஸில் வேலை செய்யவில்லை என்றால், அவர்களுக்கு மற்றவரின் ஆபிஸில் என்ன பிரச்சனை என்று தெரியாமல், தேவையில்லாமல் சண்டை வரும். உதாரணமாக, ஆபிஸில் வேலையின் காரணமாக சிறிது தாமதமாக வீட்டிற்கு வந்தால் போதும், அந்த நேரத்தில் ஒரு நல்ல புரிதல் இல்லாததால் சண்டை வரும்.
ஆபிஸ் காதலால் ஏற்படும் தீமை:
* ரொமான்ஸ் ஆபிஸில் நடந்தால், கூட வேலை செய்பவர்களுக்கு இது ஒரு ஹாட் டாபிக் ஆகிவிடும். பின் காதலிப்பவர்களுடன் பேசவே கஷ்டமாகிவிடும். சில சமயங்களில் டேட்டிங் செல்வதில் கூட பிரச்சனை ஏற்படும்.
* சில சமயங்களில் வேலையின் காரணமாக காதல் செய்யும் துணையை திட்டக்கூட செய்யலாம். உதாரணமாக, உங்கள் துணை செய்த தவறால், நீங்கள் மேலதிகாரியிடம் திட்டு வாங்கினால், அதனால் கோபம் கொண்டு, அந்த தவறைச் சொல்லி அவர்களை திட்ட முடியாமல் போகும்.
* என்ன தான் ஒரு நாள் முழுவதும் காதல் செய்யும் துணையுடன் பேசினாலும், அதைப் பார்த்து யாரும் எதும் சொல்லமாட்டார்கள். அதிலும் ஆரம்பத்தில் துணையை ஈர்க்க, நன்கு அழகாக வந்தாலும், சில மாதங்களில் அது போர் அடித்துவிடும்.
* ஏதேனும் இருவருக்கும் இடையில் பிரச்சனை ஏற்பட்டு, அதனால் அவர்களை பிரிய வேண்டும் என்று நினைத்தாலும், ஒரே ஆபிஸில் வேலை செய்வதால் பிரிவது மிகவும் கடினமாகிவிடும். ஏனெனில் இழிவு மற்றும் அவமானம் தான் காதலை முறியடிக்கச் செய்கின்றன. நிறைய ஆபிஸ் காதல் இந்த காரணத்தினால் தான் தோல்வியடைகிறது.