சின்னச்சின்ன கதாபாத்திரங்களில் நடித்து நடித்து ஹீரோயின் இடத்துக்கு முன்னேறி தன்னம்பிக்கை அழகி மித்ரா குரியன்.
காவலன் படத்தில் விஜயின் இரண்டாவது கதாநாயகியக நடித்தார். அதற்கு முன் பாத்திரிகையாளர் பாபு.கே.காமராஜ் இயக்கியிருக்கும் கந்தா படத்தில் கரண் ஜோடியாக நடித்திருந்தாலும், ரிலீஸில் காவலன் முந்திக்கொண்டது.
படத்தில் அசின் தோழியாக நடித்த மித்ரா, அசின் காதலித்துக் கொண்டிருக்கும் விஜய்யை க்ளைமாக்ஸில் தட்டிக் கொண்டு போய் விடுவார். படத்தின் திருப்புமுனை காட்சியில் நடித்திருப்பதால், அசினைவிட எனக்குத்தான் இந்த படத்தில் முக்கியத்துவம் என்று பேட்டி கொடுக்கும் அளவுக்கு விஜயின் காவலன் அவரை தூக்கி நிறுத்தியது!
புதிய சினிமா செய்திகள்
ஆனால் விக்ரமின் ‘கரிகாலன்’ மித்ராவை டாமல் என்று படுபாதாளத்தில் போட்டு விட்டது! காவலன் படத்தில் மித்ராவின் நடிப்பைப் பார்த்த விக்ரம், அவர் நடித்து வந்த ப்ரியட் படமான ‘கரிகாலன்’ படத்தில் மூன்று கதாநாயகிகளில் ஒருவராக மித்ராவை ஒப்பந்தம் செய்யும்படி இயக்குனர் கண்ணணுக்கு உத்தரவிட்டார். அவரும் உடனே மித்ராவை 25 லட்சம் சம்பளம் பேசி ஒப்பந்தம் செய்தார்கள். விக்ரம்-மித்ரா தொடர்பான காட்சிகளில் சிலவற்றை கேரளாவில் எடுத்த்தார் கண்ணன். சியானுடன் நடித்த சந்தோஷத்தில் துள்ளிக் குதித்த்தார் மித்ரா! ஆனால் இரக்கமே இல்லாமல் கரிகாலணை டிராஃப் செய்து விட்டார்கள். இதனால் தமிழ்சினிமாவில் மிகப்பெரிய உயரத்தை அடையலாம் என்று எண்ணியிருந்த மித்ராவின் கனவுக்கு கண்ணக்கோல் வைத்து காலி செய்து விட்டார் விக்ரம்!
