Breaking News
Home / latest-update / கூகுள் மேப்ஸ் ஐ.ஒ.எஸ். செயலியில் இன்காக்னிட்டோ மோட்
https://play.google.com/store/apps/details?id=app.yarlosai.com

கூகுள் மேப்ஸ் ஐ.ஒ.எஸ். செயலியில் இன்காக்னிட்டோ மோட்

கூகுள் மேப்ஸ் செயலியின் ஆண்ட்ராய்டு வெர்ஷனில் சமீபத்தில் இன்காக்னிட்டோ மோட் வசதி வழங்கப்பட்டது. இந்த அம்சம் பயனரின் லொகேஷன் விவரங்கள் கூகுள் அக்கவுண்ட்டில் சேமிக்கப்படுவதை தடுக்கும் பணியை செய்கிறது.

தற்சமயம் இந்த அம்சம் ஐ.ஒ.எஸ். வெர்ஷனில் வழங்கப்படுகிறது. இதைத் தொடர்ந்து ஆண்ட்ராய்டு செயலியில் பல்க் டெலீட் ஆப்ஷன் அடுத்த மாதம் வழங்கப்பட இருப்பதாக கூறப்படுகிறது.



ஐ.ஒ.எஸ். தளத்தில் இன்காக்னிட்டோ மோட் ஆண்ட்ராய்டில் இயங்குவதை போன்றே இயங்கும். இன்காக்னிட்டோ மோட் பயன்படுத்தும் போது பயனரின் லொகேஷன் விவரங்கள் கூகுள் சர்வரில் சேமிக்கப்படாது. மேலும் மேப்ஸ் செயலியில் வாடிக்கையாளர்கள் தேடிய இடமும் கூகுள் அக்கவுண்ட்டில் சேமிக்கப்படாது.

ஆண்ட்ராய்டு செயலியில் கூகுள் நிறுவனம் டைம்லைன் தகவல்களை பல்க் டெலீட் செய்யும் அம்சத்தை வழங்க இருக்கிறது. டைம்லைன் அம்சம் வாடிக்கையாளர்கள் தங்களின் லொகேஷன் ஹிஸ்ட்ரியை பார்க்கும் நோக்கில் உருவாக்கப்பட்டது. இதை கொண்டு வாடிக்கையாளர்கள் அடுத்தடுத்த பயணங்களில் விரைந்து முகவரிகளை தேட முடியும்.

விரைவில் வழங்கப்பட இருக்கும் புதிய பல்க் டெலீட் அம்சம் கொண்டு டைம்லைனில் உள்ள அனைத்து விவரங்களையும் வேகமாக டெலீட் செய்ய முடியும். ஐ.ஒ.எஸ். தளத்தில் கூகுள் மேப்ஸ் செயலியில் இன்காக்னிட்டோ மோட் பெற ஆப் ஸ்டோர் சென்று செயலியை அப்டேட் செய்ய வேண்டும்.

கூகுள் மேப்ஸ் பல்க் டெலீட்



Check Also

வரி ஏய்ப்பு புகார் எதிரொலி – ராஷ்மிகா நேரில் ஆஜராக உத்தரவு

வரி ஏய்ப்பு புகார் எதிரொலியாக நடிகை ராஷ்மிகா வீட்டில் நடந்த சோதனையைத்தொடர்ந்து விசாரணைக்காக அவரை நேரில் ஆஜராக வருமான வரித்துறை …