Breaking News
Home / latest-update / பெண்ணின் வயிற்றிலிருந்த மிகப் பெரிய கட்டியை வெற்றிகரமாக அகற்றி சாதனை படைத்த இலங்கை மருத்துவர்கள்..!! குவியும் பாராட்டுக்கள்…!!
https://play.google.com/store/apps/details?id=app.yarlosai.com

பெண்ணின் வயிற்றிலிருந்த மிகப் பெரிய கட்டியை வெற்றிகரமாக அகற்றி சாதனை படைத்த இலங்கை மருத்துவர்கள்..!! குவியும் பாராட்டுக்கள்…!!

பெண் ஒருவரின் வயிற்றிலிருந்த 19.5 கிலோ கிராம் நிறையுள்ள கட்டியொன்றினை வெட்டி அகற்றிய சாதனையை அக்கரைப்பற்று ஆதார வைத்தியசாலையின் சத்திர சிகிச்சை நிபுணர்கள் மேற்கொண்டு அந்த சத்திர சிகிச்சையை வெற்றிகரமாக முடித்துள்ளதாக, அக்கரைப்பற்று ஆதார வைத்தியசாலையின் வைத்திய அத்தியட்சகர் ஐ.எம்.ஜவாஹிர் தெரிவித்துள்ளார்.

நேற்று முன்தினமான சனிக்கிழமை (05.10.2019) முதன் முறையாக இந்த சத்திர சிகிச்சையை மேற்கொண்டதாகவும், இது சுமார் 2 மணித்தியாலம் இடம்பெற்றதன் பின்னர் அந்தக்கட்டியை அகற்றியதாகவும் தெரியவந்துள்ளது.மேலும், 19.5 கிலோ கிராம் நிறையையும் சுமார் 48 சென்ரி மீற்றர் நீளத்தையும் 34சென்ரி மீற்றர் அகலத்தையும் 23சென்ரி மீற்றர் உயரத்தையுமுடைய பெரும் கட்டி ஒன்றை வெட்டி அகற்றிய சாதனையை எமது வைத்தியசாலையின் வைத்திய நிபுணர்களினால் வெற்றிகரமாக செய்து முடிக்கப்பட்டதாகவும் அவர் சுட்டிக்காட்டினார்.இச்சத்திர சிகிச்சையை மேற்கொண்ட சத்திர சிகிச்சை நிபுணர்களான எஸ்.எஸ்.ஜமீல், பீ.கே.இரவீன்திரன், மகப்பேற்று மற்றும் பெண்ணோயியல் வைத்திய நிபுணர் யுரேக்கா விக்ரமசிங்க, மயக்க மருந்து வைத்திய நிபுணர் றுவான் குருப்பு, மயக்க மருந்து மற்றும் சத்திரசிகிச்சை சிரேஷ்ட வைத்தியர்கள், சத்திர சிகிச்சை கூட தாதிய உத்தியோகத்தர்கள் மற்றும் சுகாதார உதவியளர்கள் உள்ளிட்ட குழுவினரால் இது முன்னெடுக்கப்பட்டதாகவும் அவர் கூறினார்.

தற்போது அக்கரைப்பற்று ஆதார வைத்தியசாலையில் நோயாளிகளுக்காக பல்வேறு வசதிகள் ஏற்பாடு செய்யப்பட்டுள்ளதுடன் வைத்தியசாலையின் புறச்சூழல் அழகுபடுத்தப்பட்டு, சுற்றாடல் நேய செயற்றிடங்களும் அமுல்படுத்தப்படுவதாகவும் தாய் சேய் நலனிற்காக விசேட விடுதி ஒன்றும் அண்மையில் ஆரம்பித்து வைக்கப்பட்டுள்ளதாகவும் அவர் மேலும் தெரிவித்தார்.

Check Also

ஜயரத்ன மலர்ச்சாலைக்கு எடுத்துச் செல்லப்பட்டது ஆறுமுகன் தொண்டமானின் உடலம்

அமைச்சர் ஆறுமுகன் தொண்டமான் திடீரென உயிரிழந்த நிலையில் அவரது உடலம் உறவினர்களிடம் ஒப்படைக்கப்பட்டநிலையில்வைத்தியசாலையிலிருந்து எடுத்து செல்லப்பட்டது. பூதவுடல் தற்போது ஜயரத்ன …

error: Content is protected !!