Breaking News
Home / latest-update / ரஷ்யாவில் 40,000 ஆண்டுகளுக்கு முந்தைய ஓநாயின் தலை கண்டெடுப்பு
https://play.google.com/store/apps/details?id=app.yarlosai.com

ரஷ்யாவில் 40,000 ஆண்டுகளுக்கு முந்தைய ஓநாயின் தலை கண்டெடுப்பு

ரஷ்யாவில் உள்ள ஒரு ஆற்றிலிருந்து சுமார் 40 ஆயிரம் ஆண்டுகளுக்கு முந்தைய ஓநாயின் தலை கண்டெடுக்கப்பட்டுள்ளது.

ரஷ்யாவில் 40,000 ஆண்டுகளுக்கு முந்தைய ஓநாயின் தலை கண்டெடுப்பு
ரஷ்ய நாட்டின் செர்பியாக்கு உட்பட்ட பகுதியில் யாகுடா என்ற குடியிருப்பு பகுதி உள்ளது. ஆர்ட்டிக் பனி பிரதேசத்தினை அருகாமையில் கொண்டுள்ள அப்பகுதியில் திர்குட்யாக் என்ற ஆறு பாய்கிறது. இந்நிலையில் யாகுடா பகுதியினை சேர்ந்த பவேல் என்ற நபர் திர்குட்யாக் ஆற்றின் கரையிலிருந்து பனி ஓநாயின் தலை ஒன்றினை கண்டெடுத்தார். ஓநாயின் தலை மிகவும் வித்தியாசமான உருவ அமைப்பினை கொண்டிருந்ததால் அதனை யாகுடாவில் உள்ள அறிவியல் ஆராய்சி மையத்திற்கு அப்பகுதி மக்கள் அனுப்பி வைத்தனர்.

அந்த ஓநாயின் தலையினை ஆய்வு செய்த யாகுடாவில் உள்ள ஆராய்ச்சியாளர்கள் அதன் வாழ்நாள் காலம் குறித்த அடுத்தகட்ட ஆய்வுக்காக ஜப்பான் மற்றும் சுவிடன் நாட்டில் உள்ள சக ஆராய்ச்சி நிறுவனங்களுக்கு ஓநாய் தலையின் மாதிரிகளை அனுப்பி வைத்தனர்.

ஜப்பான் மற்றும் சுவிடன் நாட்டின் ஆராச்சியாளர்கள் ஓநாயின் தலையின் மாதிரிகளை ஆராய்ந்ததில் அது சுமார் 40 ஆயிரம் ஆண்டுகளுக்கு முந்தைய பனி ஒநாயின் தலை என கண்டுபிடித்துள்ளனர். மேலும் பனியில் இருந்ததால் அதன் தலை பகுதி அழுகாமல் உரைந்து உள்ளதாக ஆராச்சியாளர்கள் தெரிவித்தனர். இது குறித்து பல்வேறு ஆராய்ச்சிகளை ஆய்வாளர்கள் மேற்கொண்டு வருகின்றனர்.

40,000 ஆண்டுகளுக்கு முந்தைய பனி ஓநாயின் தலை ரஷ்யாவில் உள்ள ஆற்றில் இருந்து கண்டுபிடிக்கப்பட்டது பல ஆராய்ச்சியாளர்களுக்கு வியப்பை ஏற்படுத்தியுள்ளது.

Check Also

ஹெல்மெட் அணியாததால் அபராதம் – அதிர்ச்சி அடைந்த பஸ் டிரைவர்

நொய்டாவில் ஹெல்மெட் அணியாததால் பஸ் டிரைவருக்கு ரூ.500 அபராதம் விதித்த போக்குவரத்து துறையின் செயலால் வாகன ஓட்டிகள் அதிர்ச்சியில் ஆழ்ந்தனர். …