Breaking News
Home / latest-update / இன்ஸ்டாகிராம் செயலியில் புதிய டேட்டா சேவர் அம்சம் அறிமுகம்
https://play.google.com/store/apps/details?id=app.yarlosai.com

இன்ஸ்டாகிராம் செயலியில் புதிய டேட்டா சேவர் அம்சம் அறிமுகம்

இன்ஸ்டாகிராம் செயலியில் புதிய டேட்டா சேவர் அம்சம் அறிமுகம்

ஃபேஸ்புக்கின் இன்ஸ்டாகிராம் செயலியில் புதிய அம்சங்கள் அறிமுகம் செய்யப்பட்டுள்ளன. சமீபத்தில் மேம்பட்ட கேமரா யு.ஐ., புதிய ஸ்டிக்கர்கள், ஸ்டோரிக்களில் ஷாப்பிங் செய்யும் வசதி மற்றும் பல்வேறு அம்சங்கள் சேர்க்கப்பட்டன.
அந்த வரிசையில் தற்சமயம் புதிதாக டேட்டா சேவர் அம்சம் ஒன்றை இன்ஸ்டாகிராம் தனது பயனர்களுக்கு அறிமுகம் செய்துள்ளது. முதற்கட்டமாக இந்த அம்சம் இன்ஸ்டாகிராம் ஆண்ட்ராய்டு தளத்தில் மட்டும் வழங்கப்படுகிறது.
இன்ஸ்டாகிராமின் புதிய டேட்டா சேவர் அம்சம் பயனர் தேர்வு செய்யும் வரை புகைப்படங்கள் மற்றும் வீடியோக்களை பிரீ-லோடு மற்றும் டவுன்லோடு செய்யாது. பயனர் க்ளிக் செய்த பின் மட்டுமே அதிக ரெசல்யூஷன் கொண்ட வீடியோக்களை இன்ஸ்டாகிராம் டவுன்லோடு செய்யும்.
இதன் மூலம் பயனர்கள் பார்க்க விரும்பும் மீடியாக்களை அவர்களே தேர்வு செய்யும் வசதியை அவர்களுக்கு வழங்குகிறது. இவ்வாறு செய்யும் போது பயனர் டேட்டாவும் சேமிக்கப்படுகிறது. இதுதவிர இந்த அம்சத்தை ஆன் செய்ததும், மீடியா எதுவும் டவுன்லோடு ஆகாது என்பதால் புகைப்படங்கள் வேகமாக லோடு ஆகும்.
புதிய டேட்டா சேவர் அம்சத்தை இயக்க இன்ஸ்டாகிராம் செயலியின் செட்டிங்ஸ் — அக்கவுண்ட் — மொபைல் டேட்டா யூஸ் — நெவர், வைபை ஒன்லி, செல்லுலார் + வைபை உள்ளிட்ட ஆப்ஷன்களில் நீங்கள் விரும்புவதை தேர்வு செய்யலாம்.
இணைய வேகம் குறைவாக இருக்கும் நாடுகளை குறிவைத்து புதிய அம்சம் அறிமுகம் செய்யப்பட்டுள்ளது. புதிய அம்சம் சர்வதேச அளவில் இன்ஸ்டாகிராம் வழங்க துவங்கி இருக்கும் நிலையில், வரும் நாட்களில் இந்த அம்சம் அனைவருக்கும் கிடைக்கும் என தெரிகிறது.

Check Also

ஒரு உலக கிண்ணத்தில் அதிக ஓட்டங்கள் குவித்த தலைவர்

உலக கிண்ண தொடர் ஒன்றில் அதிக ஓட்டங்கள் குவித்த தலைவர் என்ற புதிய சாதனையை நியூசிலாந்து தலைவர் கேன் வில்லியம்சன் …